kadai tofu | கடாய் டோஃபு

நெய் டாட்காம், பிரிஞ்சி சாதம் , சப்பாத்தி ,இட்லி ,தோசைக்கு ஏற்ற சைட்  டிஷ் இந்த கடாய் டோஃபு. டோஃபுகக்கு பதிலாக பன்னீர் வைத்தும் செய்யலாம்   

தேவையான பொருட்கள் :

கலந்து வைக்க :

• டோஃபு(அ)பன்னீர்  -1 பாக்கெட் 
• குடை மிளகாய் - 1 (சதுரமாக வெட்டியது )
• பெரிய வெங்காயம்- 1 (சதுரமாக வெட்டியது )
•  மிளகாய் தூள் -1 ஸ்பூன் 
• கரம் மசாலா - 1/4 ஸ்பூன் 
• தனியா தூள் - 1/4 ஸ்பூன்
• உப்பு - தேவைக்கு  

வதக்க :

எண்ணைய் - 4 ஸ்பூன்

சீரகம் -1/4 ஸ்பூன் 

மிளகு - 1/4 ஸ்பூன் 

பிரிஞ்சி இலை - 1 

பெரிய வெங்காயம் - 2 ( பொடியாக நறுக்கியது )

பச்சை மிளகாய் -2 

இஞ்சி பூண்டு -1/2 

மிளகாய் தூள் - 1/2 ஸ்பூன் 

தனியாதூள் - 1/2 ஸ்பூன் 

கரம் மசாலா - 1/4 ஸ்பூன் 

உப்பு - தேவைக்கு 

அரைத்த தக்காளி -1 

செய்முறை :

• கலந்து வைக்க கொடுத்துள்ள பொருட்களை கலந்து வைக்கவும் 
• 4 ஸ்பூன் எண்ணைய் விட்டு ,அவற்றை வதக்கவும்.  
• பின் வதங்கிய வற்றை தனியாக எடுத்து ,அதே காடாயில் ,வதக்க கொடுத்துள்ள பொருட்களை ஒன்றன்  பின் ஒன்றாக சேர்த்து , வதக்கவும் ,நன்கு வதங்கியதும் அதில் வதக்கி ,  தனியே எடுத்து வைத்த  டோஃபு  கலவையை சேர்த்து ,எண்ணை பிரிந்து வந்ததும் இறக்கி பரிமாறவும் .
•   சுவையான ,   காடாய்  டோஃபு  தயார் 

   

 

மஷ்ரூம் 65/mushroom 65

மஷ்ரூம்  65 அசைவ பிரியர்களுக்கு ஏற்ற சைவ உணவு ஆகும்.

சிக்கனை போன்ற சுவையோடு இருப்பதால்குழந்தைகளும் விரும்பி சாப்பிடுவார்கள் . 

தேவையான பொருட்கள்: 

மஷ்ரூம்-1/2 கி

எண்நெய்-பொரிக்க

உப்பு-தேவையான அளவு

மைதா - 1 மற்றும் 1/2 ஸ்பூன்

கார்ன் ப்ளோர்-1 மற்றும் 1/2 ஸ்பூன்

அரிசி மாவு- 1 ஸ்பூன்

மிளகாய் தூள் - 1 ஸ்பூன் 

கரம் மசாலா - 1/4 ஸ்பூன் 

சிக்கன் 65 மசாலா - 1/2 ஸ்பூன் 

எலுமிச்சை சாறு - 1 ஸ்பூன் 

இஞ்சி பூண்டு விழுது - 1 ஸ்பூன் 

செய்முறை :

• முதலில்  மஷ்ரூமை நன்கு சுத்தம் செய்து செய்து , நறுக்கி வைக்கவும் 
• பின் இதனுடன் எண்ணெய் தவிர , மற்ற அனைத்து பொருட்களையும் சேர்க்கவும் .
• பின் இதனை சிறிது தண்ணீர் தெளித்து (நிறைய சேர்க்க கூடாது ) கிளறி 10 நிமிடம்  வைக்கவும் .
• எண்ணெய் சூடாக்கி ,அதில் கிளறி வைத்த மஷ்ரூமை உதிர்த்து பொரித்து எடுக்கவும் .
• நான் இங்கு ,கலர் பவுடர் சேர்க்க வில்லை .தேவைப்பட்டால் நீங்கள் சேர்த்துக்கொள்ளலாம் .
• அவ்வளவுதான் சுவையான ,மணமான , மஷ்ரூம் 65 தயார் .

கருப்பட்டி காபி /karuppatti coffee

இந்த மழை காலத்திற்கு ஏற்ற உடலுக்கு உகந்தது இந்த கருப்பட்டி காபி .

கருப்பட்டி இரத்தத்தை சுத்திகரித்து ,உடலுக்கு புத்துணர்ச்சியை கொடுக்கும் .

ஈரல் வறுவல் /goat liver fry

பொதுவாக மட்டன் ஈரல் வைட்டமின் A நிறைந்தது . குறிப்பாக குழந்தைகள் ,கர்ப்பிணிகளுக்கு மிகவும் உகந்தது . மட்டன் ஈரல் மட்டும் தனியாக வறுவல் செய்தால் சிறந்த சுவையுடன் இருக்கும் ...

கோதுமை புட்டு /wheat flour puttu

இந்த புட்டு மிகவும் சுவையானது .எனது அத்தையின் ரெசிபி படி செய்தது . மிகவும் சத்தானது . 

மாங்காய் பச்சடி/mango pachadi

மாங்காய் பச்சடி குழந்தைகளுக்கு மிகவும் விருப்பமானது .ஒரு முறை சுவைத்தால் கண்டிப்பாக மனதில் நிற்கும் இதன் சுவை ...

கேரட் மில்க்க்ஷேக் /carrot milkshake

 உங்கள் சருமம் பொலிவாக காரட் மில்க்க்ஷேக் சிறந்த தேர்வு .பொதுவாக காரட் பல நல்ல பலன்களை கொண்டது .இதை கர்ப்பிணி பெண்கள் தினமும் எடுத்துக்கொண்டால் ,குழந்தை நன்றாக இருக்கும் .

மணத்தக்காளி கீரை சூப் /manthakkali keerai soup/blacknight shade soup

மணத்தக்காளி கீரையில் கால்சியம் ,பாஸ்பரஸ் ,அயர்ன் ,விட்டமின் ஏ ,பி ,சி ,தாது உப்புகள் நிறைய உள்ளது  .தொண்டை வலி ,தொண்டைப்புண்,வயிற்றுப்புண் ,வாய்ப்புண் இவற்றிற்கு மிக நல்லது .உடல் சூட்டை குறைக்கும் தன்மை கொண்டது .

தக்காளி சூப் /tomato soup

மழை நேரங்களில் சூப் சாப்பிட சூப்பரா இருக்கும் . மேலும் சூப் பசியை தூண்டும் . சூப் என்றாலே முதலில் நினைவுக்கு வருவது தக்காளி சூப் தான் . அதன் செய்முறை இதோ ..

இஞ்சி கஷாயம்/ inji kashayam/ ginger kashayam

இங்கே எனது குழந்தைகளுக்கு சளி பிடித்துள்ளது . இந்த வானிலை மாற்றம் எளிதாக சளி பிடிக்க வைத்து விடுகிறது . இந்த இஞ்சி கசாயம் இரவில் அருந்தி படுத்தால் ,நிம்மதியாக தூங்கலாம் . மூக்கடைப்பு ,இருமல்,தொண்டைப்புண் ,ஜலதோஷம் போன்ற பல பிரச்சனைகளுக்கு மிகவும் நல்லது .முயற்சி செய்து பாருங்கள் ...நிச்சயம் பலன் அளிக்கும் .

வாழைத்தண்டு ஜூஸ் /banana stem juice /vazhaiththandu juice

வாழைத்தண்டு ஜூஸ் மிகவும்  நல்ல பலன்களை கொண்டது . இது சிறுநீரக பிரச்சனைகள் உள்ளவர்களுக்கு மிகவும் நல்லது.இது உடலுக்கு குளிர்ச்சி  கூடியது .உடல் எடையை குறைக்க மிகவும் உகந்தது .

வரகு அரிசி உப்புமா/kodo millet upma/varagu arisi upma

வரகு அரிசி உப்புமா  மிகவும் சத்தானது ... சுவையானதும் கூட ...செய்வதும் சுலபம் .....

வெங்காய தக்காளி குருமா (tomato onion kurma)

மிகவும் பிரபலமான சிம்பிளான குருமா இது ..சுவையும் பிரமாதமாக இருக்கும். செய்து பாருங்க 

முட்டைகோஸ் பொரியல் (Cabbage poriyal )

மிக நீண்ட இடைவெளிக்கு பிறகு என் வலைப்பக்கம் எட்டி பார்க்கிறேன் .. . இன்னைக்காவது ஒரு post போடலாம்னு வந்து இருக்கேன் ..இடைவெளிக்கு மன்னிக்கவும் .இந்த முட்டைகோஸ் பொரியல் 

மிக சுலபமானது ...செய்முறை விளக்கம் இதோ ...

வாழைப்பூ கூட்டு (vazhaipoo kootu)

வாழைப்பூ கூட்டு மிக சுலபமான ,ருசியான ,மணமான ,ஆரோக்யமான உணவு . செய்முறை இதோ ...

ரவா கேசரி (rava kesari )

எல்லாருக்கும் பிடித்த ஒரு இனிய ரெசிபி ரவா கேசரி . செய்வது மிக மிக சுலபம் . 

தேவையான பொருட்கள் :

ரவா - 1/2 கப் 

சர்க்கரை - 1/2 கப் 

நெய் - 4 ஸ்பூன் 

தண்ணீர் - 1 கால் கப் 

சிவப்பு கலர் பவுடர்  - சிறிது  

முந்திரி - 5 

ஏலக்காய் தூள் - 1/2 ஸ்பூன் 

செய்முறை :

• முதலில் நெய் விட்டு முந்திரிகளை வறுத்து தனியே வைக்கவும்.
• அதே வாணலில் ரவையையும் சில நொடிகள் வறுத்துக்கொள்ளவும் .
• அதே சமயம் ஒரு பாத்திரத்தில் தண்ணீர் விட்டு கொதிக்க விடவும் .
• கொதிவரும் சமயம் , இந்த வறுத்த ரவையுடன் சேர்த்து , கலர் பவுடர் சேர்த்து ,கட்டி இல்லாமல் கிளறவும் .பின் மூடி  1நிமிடம் வேகவிடவும் . 
• ரவை வெந்த பிறகு ,சர்க்கரை சேர்த்து ,கிளறவும் . விருப்பப்பட்டால் வாசனைக்கு மேலும் சிறிது நெய் சேர்க்கலாம் . 
• இறுதியாக ,வறுத்த முந்திரிகளை சேர்த்து , கிளறி இறக்கவும் 
• sending this to :
• http://zestysouthindiankitchen.com/favorite-recipes-event
• http://mykitchenodyssey.blogspot.fr/2014/04/favourite-recipes-event-announcement.html
• and 
• http://gayathriscookspot.blogspot.in/#

கிர்ணி பழ ஜூஸ் (musk melon juice )

இந்த கோடையை சமாளிக்க உடலுக்கு குளிர்ச்சியான இந்த கிர்ணி ஜூஸ் ரொம்ப  உபயோகமா இருக்கும் . இதன் சுவையும் அருமை . நீங்களும் செய்து பாருங்க ...

தேவையான பொருட்கள் :

கிர்ணி பழம் - பாதி 

சர்க்கரை - 2 (அ )3 ஸ்பூன் 

தண்ணீர் - கால் கப் 

செய்முறை :

• முதலில் கிர்ணி பழத்தின் தோலை சீவிகொள்ளவும் .
• அதனை சிறு சிறு துண்டுகளாக வெட்டி , மிக்ஸ்யில் சர்க்கரை சேர்த்து நன்கு மைய அரைக்கவும் .
• அவ்வளவுதான் சுவையான கிர்ணி பழ ஜூஸ் தயார் .
• இதனை பரிமாறும் போது ஐஸ் துண்டுகள் சேர்த்தும் பரிமாறலாம் .
• இதனுடன் 1 ஸ்பூன் எலுமிச்சை சாறு,தேன் கூட  சேர்த்துக்கொள்ளலாம்
• sending this to :
• http://mykitchenodyssey.blogspot.fr/2014/04/favourite-recipes-event-announcement.html
• http://zestysouthindiankitchen.com/favorite-recipes-event

நிலக்கடலை சுண்டல் (peanut sundal)

கடலை சுண்டல் தெருக்களில் விற்கும்போது பார்க்கவே அழகாக இருக்கும் .(சிறு வயது ஞாபகம்).இதை செய்யும் போது நினைவுகள் பின்னோக்கி போனதை தடுக்க முடியல ...மிகவும் சுவையான இந்த சுண்டல் செய்முறை இதோ ...

தேவையான பொருட்கள் :

நிலக்கடலை -1 கப் 

கேரட் - 2 ஸ்பூன் (துருவியது )

பெரிய வெங்காயம் -1 (பொடியாக நறுக்கவும் )

இஞ்சி -1சிறிய துண்டு( பொடியாக நறுக்கியது ) மல்லிதழை - 1/2 கைப்பிடி (பொடியாக நறுக்கியது )

பச்சைமிளகாய்(விருப்பப்பட்டால் ) -1/2 (பொடியாக நறுக்கியது )

உப்பு - தேவைக்கு 

செய்முறை :

• நிலைக்கடலையை தண்ணீர் ,உப்பு சேர்த்து குக்கரில் 2 விசில் வரை வேக விட்டு எடுத்துக்கொள்ளவும் .
• இதனுடன் எல்லா மற்றபொருட்களையும் ,சேர்த்து கிளறி ,சூடாக பரிமாறவும் .
• நிச்சயம் எல்லாருக்கும் பிடித்த உடனடி சுண்டல் இது .முயற்சி செய்து பாருங்களேன் ...

sending this to :
http://mykitchenodyssey.blogspot.fr/2014/04/favourite-recipes-event-announcement.html
http://zestysouthindiankitchen.com/favorite-recipes-event
http://gayathriscookspot.blogspot.in/#

.

வாழைப்பூ வடை( Vazhaipoo vadai )

வாழைப்பூ வடை மிக சுலபமான ,ருசியான ,ஆரோக்யமான உணவு. வாழைப்பூ வடை செய்து பார்த்து சொல்லுங்க ...

தேவையான பொருட்கள் :

வாழைப்பூ -3/4கப் (உதிர்த்து நறுக்கியது )
கடலை பருப்பு -1கப் (ஊறியது )
இஞ்சி -1சிறிய துண்டு
பூண்டு-4பல்
காய்ந்த மிளகாய் -3(உங்கள் காரத்துக்கு ஏற்ப )
சோம்பு -1ஸ்பூன்
உப்பு -தேவையான அளவு
கருவேப்பில்லை -1 கொத்து (பொடியாக நறுக்கிக்கொள்ளவும் )
சின்ன வெங்காயம் -6(பொடியாக நறுக்கிக் கொள்ளவும்)

செய்முறை :

• முதலில் வாழைப்பூவை தனியாக நன்கு அரைத்து எடுத்துக்கொள்ளவும் .
• பிறகு கடலை பருப்பை 2  ஸ்பூன் தனியாக வைத்து விட்டு ,மீதி கடலை பருப்பு ,சோம்பு , பூண்டு ,இஞ்சி ,உப்பு ,மிளகாய் இவற்றை சேர்த்து சிறிது கொரகொரப்பாக அரைத்துக் கொள்ளவும்  .
• இதனுடன் தனியாக வைத்த கடலை பருப்பு , அரைத்த வாழைப்ப்பூ ,நறுக்கிய வெங்காயம் ,நறுக்கிய கருவேப்பில்லை  இவற்றை சேர்த்து ,நன்கு பிசைந்து கொள்ளவும்.
• உப்பு ,காரம் சரிபார்த்து ,பின் அதை சிறு உருண்டைகளாக செய்து , வடை தட்டி ,சூடான எண்ணையில் பொறித்து எடுக்கவும் .
• அவ்வளவுதான் சுவையான ,மணமான வாழைப்பூ வடை தயார் .
• sending this to :
• http://zestysouthindiankitchen.com/favorite-recipes-event
• http://mykitchenodyssey.blogspot.fr/
• http://gayathriscookspot.blogspot.in/#

பால் கோவா (milk kova )

வீட்டில் அதிகம் இருந்த பாலை என்ன செய்வதுன்னு தெரியல ...அப்புறம் அதை பால் கோவா செய்து விட்டேன் .மிகவும் சுலபமான ரெசிபி இது .இந்த பால் கோவா நல்ல சுவையாக இருந்தது .