kadai tofu | கடாய் டோஃபு

நெய் டாட்காம், பிரிஞ்சி சாதம் , சப்பாத்தி ,இட்லி ,தோசைக்கு ஏற்ற சைட்  டிஷ் இந்த கடாய் டோஃபு. டோஃபுகக்கு பதிலாக பன்னீர் வைத்தும் செய்யலாம்   

தேவையான பொருட்கள் :

கலந்து வைக்க :

• டோஃபு(அ)பன்னீர்  -1 பாக்கெட் 
• குடை மிளகாய் - 1 (சதுரமாக வெட்டியது )
• பெரிய வெங்காயம்- 1 (சதுரமாக வெட்டியது )
•  மிளகாய் தூள் -1 ஸ்பூன் 
• கரம் மசாலா - 1/4 ஸ்பூன் 
• தனியா தூள் - 1/4 ஸ்பூன்
• உப்பு - தேவைக்கு  

வதக்க :

எண்ணைய் - 4 ஸ்பூன்

சீரகம் -1/4 ஸ்பூன் 

மிளகு - 1/4 ஸ்பூன் 

பிரிஞ்சி இலை - 1 

பெரிய வெங்காயம் - 2 ( பொடியாக நறுக்கியது )

பச்சை மிளகாய் -2 

இஞ்சி பூண்டு -1/2 

மிளகாய் தூள் - 1/2 ஸ்பூன் 

தனியாதூள் - 1/2 ஸ்பூன் 

கரம் மசாலா - 1/4 ஸ்பூன் 

உப்பு - தேவைக்கு 

அரைத்த தக்காளி -1 

செய்முறை :

• கலந்து வைக்க கொடுத்துள்ள பொருட்களை கலந்து வைக்கவும் 
• 4 ஸ்பூன் எண்ணைய் விட்டு ,அவற்றை வதக்கவும்.  
• பின் வதங்கிய வற்றை தனியாக எடுத்து ,அதே காடாயில் ,வதக்க கொடுத்துள்ள பொருட்களை ஒன்றன்  பின் ஒன்றாக சேர்த்து , வதக்கவும் ,நன்கு வதங்கியதும் அதில் வதக்கி ,  தனியே எடுத்து வைத்த  டோஃபு  கலவையை சேர்த்து ,எண்ணை பிரிந்து வந்ததும் இறக்கி பரிமாறவும் .
•   சுவையான ,   காடாய்  டோஃபு  தயார் 

   

 

மஷ்ரூம் 65/mushroom 65

மஷ்ரூம்  65 அசைவ பிரியர்களுக்கு ஏற்ற சைவ உணவு ஆகும்.

சிக்கனை போன்ற சுவையோடு இருப்பதால்குழந்தைகளும் விரும்பி சாப்பிடுவார்கள் . 

தேவையான பொருட்கள்: 

மஷ்ரூம்-1/2 கி

எண்நெய்-பொரிக்க

உப்பு-தேவையான அளவு

மைதா - 1 மற்றும் 1/2 ஸ்பூன்

கார்ன் ப்ளோர்-1 மற்றும் 1/2 ஸ்பூன்

அரிசி மாவு- 1 ஸ்பூன்

மிளகாய் தூள் - 1 ஸ்பூன் 

கரம் மசாலா - 1/4 ஸ்பூன் 

சிக்கன் 65 மசாலா - 1/2 ஸ்பூன் 

எலுமிச்சை சாறு - 1 ஸ்பூன் 

இஞ்சி பூண்டு விழுது - 1 ஸ்பூன் 

செய்முறை :

• முதலில்  மஷ்ரூமை நன்கு சுத்தம் செய்து செய்து , நறுக்கி வைக்கவும் 
• பின் இதனுடன் எண்ணெய் தவிர , மற்ற அனைத்து பொருட்களையும் சேர்க்கவும் .
• பின் இதனை சிறிது தண்ணீர் தெளித்து (நிறைய சேர்க்க கூடாது ) கிளறி 10 நிமிடம்  வைக்கவும் .
• எண்ணெய் சூடாக்கி ,அதில் கிளறி வைத்த மஷ்ரூமை உதிர்த்து பொரித்து எடுக்கவும் .
• நான் இங்கு ,கலர் பவுடர் சேர்க்க வில்லை .தேவைப்பட்டால் நீங்கள் சேர்த்துக்கொள்ளலாம் .
• அவ்வளவுதான் சுவையான ,மணமான , மஷ்ரூம் 65 தயார் .

மசாலா பூரி /masala poori

 வீதியில் விற்கும் பூரியை  எனது குழந்தைகள் மிகவும் விரும்பி சாப்பிடுவார்கள் .. வீட்டில் அதைப்போல முயற்சித்தது இந்த மசாலா பூரி .. இப்போது எல்லாம் இதை  வீட்டிலேயே இதை  சாப்பிட  கேட்கிறார்கள் 

கருவேப்பிலை குழம்பு /curry leaves kulambu

மிகவும் எளிதான சுவையானது இந்த குழம்பு . உடலுக்கு மிகவும் ஏற்றது . சளி இருமலுக்கு மிகவும் நல்லது ..... 

தேவையான பொருட்கள் :

கருவேப்பிலை - 3/4 கப் 

பூண்டு - 10 பல் 

புளி- நெல்லிக்காய் அளவு
வறுத்து அரைக்க :

காய்ந்த மிளகாய் - 4

வெந்தயம் - 1/4 ஸ்பூன் 

மல்லி - 1/ 4 ஸ்பூன் 

க.பருப்பு - 1ஸ்பூன் 

உ.பருப்பு - 1 ஸ்பூன்

தாளிக்க :

 கடுகு -1 ஸ்பூன் 

வெந்தயம் - 1/4 ஸ்பூன் 

உ . பருப்பு - 1/2 ஸ்பூன் 

ந.எண்ணெய் - தேவைக்கு 

செய்முறை :

• முதலில் வறுத்து அரைக்க வேண்டியவற்றை வறுத்து அதனுடன் கருவேப்பிலை சேர்த்து  அரைத்துக்கொள்ளவும் .
• பூண்டு , கருவேப்பிலையை சுத்தம் செய்து வைக்கவும் .
• பின் கடாயில் எண்ணெய் விட்டு ,அதில் கடுகு ,உ.பருப்பு , வெந்தயம் சேர்த்து தாளித்து ,பூண்டையும் சேர்த்து வதக்கவும் .
• பின் இதனுடன் புளி கரைசல், அரைத்த விழுது சேர்த்து  15 நிமிடங்கள் கொதிக்க விடவும் ..
• மணமணக்க கருவேப்பிலை குழம்பு தயார் ... சூடான சாதத்துடன் பரிமாறவும் .

தாளித்த இடியாப்பம்/lemon idiyappam

இடியாப்பம் செய்யும் போது ,இடியாப்பமும் ,தேங்காய்பால் அல்லது சட்னியும்  செய்வோம்.சிலருக்கு அது பிடிக்காது .எனவே இது போல செய்து கொடுக்கலாம். எங்கள் வீட்டில் இரண்டுமே செய்வோம் . அவரவர் விருப்பம் போல இதை சாப்பிடலாம் .இதேபோல

இடியாப்பம் மீந்து விட்டால் கூட இப்படி தாளித்து செய்யலாம்.

தேவையான பொருட்கள்:

இடியாப்பம்-1கப் (ஆறவிட்டு உதிர்த்தது)

கடுகு-1/4ஸ்பூன்

கடலை பருப்பு-1/2 ஸ்பூன்

உ.பருப்பு -1/2ஸ்பூன் 

காய்ந்த மிளகாய் -2 

கருவேப்பிலை -1கொத்து 

உப்பு-தேவைக்கு 

மஞ்சள் தூள் -1/4 ஸ்பூன் 

எலுமிச்சை சாறு -2ஸ்பூன்

செய்முறை:

•இடியாப்பம் செய்து ஆறவிட்டு ,உதிர்க்கவும் 

• வாணலில் எண்ணெய் விட்டு ,கடுகு ,உளுந்து ,கடலை பருப்பு ,கருவேப்பிலை சேர்க்கவும் 

• இதனுடன் மஞ்சள்தூள்,உப்பு,சேர்த்து கிளறவும் 

•இதனுடன் உதிர்த்த இடியாப்பம் சேர்த்து கிளறவும்.

• பின் எலுமிச்சை சாறு கலந்து இறக்கி , சூடாக பரிமாறவும்