நட்சத்திர நினைவுகள்

உன்னை 

நினைக்கும் போதெல்லாம் ,

நட்சத்திரம் ஒன்றை 

விண்ணுக்கு 

பரிசளிக்கிறேன்   ....

உன்னை 

எத்தனை முறை

 நினைத்தேன் என 

சற்று

 வானத்தை வந்து பாரடா அன்பே !!!!

-சங்கீதா செந்தில் 

குழந்தைகளின் குழந்தைகள்-பொம்மைகள்

மனிதர்களை பொம்மைகளாக
பாவிக்கும் மனிதர்களுக்கு
மத்தியில்,
பொம்மைகளை மனிதர்களாக
பாவிக்கும் குழந்தைகள்
வரப்பிரசாதங்கள்......

நம்பிக்கையில் நான் .....

உனக்கென்று
எழுதிய
கடவுளின் பட்டியலில்,
என் பெயரும்.....

எப்படி என்றே 

தெரியாமல் ,

காலம் காட்டிய 

திசையில் 

பயணித்து விட்டோம் .....

திரும்பிப்பார்க்கையில் 

இன்னும் இரு 

உயிர்கள் ,

நம் வாழ்க்கையில் .....

ஏனென்று தெரியாத 

சில மாற்றங்கள் ....

வாழ்வை மாற்றிய 

சில தருணங்கள் ....

இடை இடையே தோன்றிய 

ஊடல்கள் ...

மீண்டும் கடக்க இயலா 

சில நினைவுகள் ....

வருடங்கள் கடந்தும் 

வாழ்வில் மாற்றமில்லை ....

மாறாத அன்போடு ,

மனங்களிரண்டும் 

கரம் கோர்த்து 

காத்திருப்போம் ...

இன்றளவும் எனக்குள் 

ஒரு நம்பிக்கை ...

எத்துணை துயரிலும் 

என்னுடன் நீ 

வருவாய் என 

நம்பிக்கையில் நான் .....

முத்தத் திலகம்

நெற்றிப்பொட்டில்  நீ ,

அழுத்திப் பதித்த 

அந்த முத்தம் போல 

சிறந்த திலகம் 

எனக்கு வேறேதுமில்லை ...

- சங்கீதா  செந்தில் 

பெயர் ...

நான்....

மகளின் தோழிகளுக்கு 

"ஆன்டி" ஆன பின்னும் ,

எங்கள் வீதிப்  

பிள்ளைகளுக்கு 

இன்னமும் 

அக்காவாய் 

"நான்" 

உன்னால் முடியும் அன்பே!!!

ஒற்றைச் சொல் பேசி , உயிர்க்கிழிக்க உன்னால் முடியும் அன்பே !!!

உன் மீதான என் எண்ணங்களை , 

அரை நொடியில் அறுத்தெடுக்க 

உன்னால் முடியும் அன்பே!!!!

உன் கோபத்தீயில் கருகிச் சாக ,

கண்ணீருடன் காத்திருப்பேன் அன்பே!!!

கிழிந்த இதயம் கொண்டு ,

கிழவியாகும் வரை 

காத்திருப்பேன் அன்பே...

அன்பு செய்யும் நேரம் ,

அடடா ! இவன் போல யாருமுண்டோ

என எண்ண வைப்பாய் !!

கோபம் கொள்ளும் அந்நேரம் ,

ஆயிரம் சூரியனாய் சுட்டெரிப்பாய் !

போதுமிது ! போதுமிது !! என்னவனே !!!!

உன் கோபத்தீயை என் கண்ணீர்க்கடல் 

அணைத்திடுமோ?

அல்லது

என் கண்ணீரும் உன் முன்னே பயந்து 

கரைந்திடுமோ? 

விடை சொல் 

என்னுயிரே....

மீண்டும் வேண்டும் நீ ....

தொலைந்து போன கனவுகள் தேடிப் 
பறக்கும் பட்டாம்பூச்சியைப் போல ,
உன் நினைவுகள் தேடிப் பறப்பேன் 
வானமெங்கும் !!!

என் குறைகளெல்லாம் முதலாய் வந்து ,
எடுத்துச் சொல்ல 
எனக்குமீண்டும் வேண்டும் 
நீ !!!


எங்கோ ஒலிக்கும் பாடல் தேடி ,
என் செவியை நிறைக்க 
எனக்கு மீண்டும் வேண்டும் 
நீ !!!!!

துயிலுறங்கும் நேரம் கூட,
என் துயரம் துடைக்க 
எனக்கு மீண்டும் வேண்டும் 
நீ !!!!

நடந்ததெல்லாம் கனவாய்ப்
போக !
நினைவுகள் மட்டும் நிஜமாய் ஆக 
எனக்கு மீண்டும் வேண்டும் 
நீ !!!!

 இவ்வரிகள் எழுதும் இந்த வேளை ,
என் கண்ணில் முட்டும் 
கண்ணீர் துடைக்க 
எனக்கு மீண்டும் வேண்டும் 
நீ !!!!


எதிலெதிலோ நினைவாய் வந்தாய் நீ !
என்றென்றும் நிஜமாய் 
எனக்கு மீண்டும் வேண்டும் 
நீ !!!!

வருவாயா ? கரம் தருவாயா ?
என் எதிர்பார்த்து ஏங்கும் ,
எனக்கு மீண்டும் வேண்டும் நீ !!!!

தோழிக்கு ஒரு பிறந்த நாள் பரிசு....

பிப்ரவரி தந்த

பெண்ணிலவு

இவள் .....

என் உணர்வுகள் 

பகிர வந்த ,

பேசும் டைரி 

இவள் ....

என்னைத் தன்
பாதியாக எண்ணும்
பாசப் பறவை
இவள் ....

நிலவொளியில் 

தவழும் நதிநீர் 

இவள் ....

என்னைச் சிரிக்க 

வைக்கும் 

செந்தாமரை 

இவள் ....

நினைத்தால் இனிப்பாள் ...

நிஜத்தில் வருவாள் ...

பேசாத வார்த்தைகள் 

புரிந்து செயலால் 

சிலிர்க்கச் செய்வாள் ....

உன் பிறந்த நாள் 

பரிசாக ,என்னிடம் 

உனக்கான இந்த 

கவிதையும் ,

என் ஆயிரம் முத்தங்களும் .....

மனைவியாய் நான் ....

நடுங்கும் குளிரில் நடுநிசி இரவில் ,
உன் உதறல் கண்டு ,
போர்வை போர்த்த பிடிக்கும் ...

பசியாய் வரும் உனக்கு பதார்த்தங்கள் பல
ருசியாய்ச் செய்யப் பிடிக்கும் ....

நீ கோபம் கொள்ளும் நேரம் ,
உன் கன்னம் கிள்ளப் பிடிக்கும் ....

குழந்தைகளை கொஞ்சும் உன்னைத்
தூரம் நின்று ரசிக்கப் பிடிக்கும் ....

மரங்கள் அடர்ந்த வீதியிலே
உன் கரங்கள் கோர்க்க பிடிக்கும் .....

மயிலிறகால்  வருடி உன்னைத்
 துயில் எழுப்பப் பிடிக்கும் ....

உன் வாசம் சுமந்த ஆடைகளை
துவைக்கும் முன் ரசிக்கப் பிடிக்கும் ....

துன்பங்கள் உன்னை துரத்தும் வேளை
தோள் சாய்த்து ,துணையாய்  இருக்கப் பிடிக்கும் ...

உன்னோடு வாழ்ந்த தருணங்கள் அதை
நினைத்துப் பார்க்க பிடிக்கும்...

மொத்தத்தில் ,
என் அன்பை வார்த்தைகளை விட ,
 இது போல கவிதைகளாய்
வெளிபடுத்த மிகப்  பிடிக்கும் ....

மணப்பெண்ணின் சொல்ல இயலா சோகங்கள் ...

அறையில் சிதறிய புத்தகங்களும் ,
அம்மாவின் அர்ச்சனைகளும் ,

அதுவரை செல்லாத  சமையலறையும் ,
அம்மாவின் கைப்பக்குவமும் ,

வீதிமுனைப் பிள்ளையாரின்
பிரார்த்தனை பெட்டிஷன்களும்,


பரிசாய்ப் பெற்ற பதக்கங்களும் ,
பால்கனிப் பூக்களும் ,

செல்ல நாயின் சிணுங்கள்களும் ,
சிறுவயது கிறுக்கல்கள் சுமந்த சுவர்களும் ,

எல்லாம் சேர்ந்து  ,
இதயம் பிளந்து ,
கண்ணீர்  உதிர்த்து ,
பாரம் சுமந்து ,

புன்னகை போர்த்தி
புகுந்த வீடு
நுழைகிறாள்
புதுப்பெண்ணாக  ...

எனது மகளின் முதல் கவிதை எனக்காக ...

2 ஆவது படிக்கும் எனது மகள் சோனா,சில காரணங்களுக்காக  என் அம்மா வீட்டில் தங்கிய போது ,அவள் எனக்காக எழுதிய கவிதை ...நிறைய தவறுகள் செய்து அவள் எழுதிய போதும் ,அவள் அன்பை கண்டு சிலிர்த்தேன் .. இதோ உங்களுக்காக அந்த கவிதை கீழே  ..

நீ என் அம்மா 

என் அம்மா நீ என் செல்ல அம்மா 

நீ என்னை வளர்த்த நல்ல அம்மா 

ஒவ்வொரு நாளும் அன்பு காட்டிய வெல்ல அம்மா ...

என்னை நாளும் வளர்த்த அன்பு அம்மா 

நீ சிரிக்கும் போதெல்லாம் எனக்கு பார்த்துக்கொண்டே இருக்கணும்போல இருக்கிறது ...

அம்மா என்றால் தாய் ..என் அம்மா நீ..

 ஒவ்வொரு நாளும் உன்னை பார்க்காமல் இருக்க முடியாது ...

நான் உன்னிடம் போன் அல்லது லேண்ட் லைனில் பேசிக்கொண்டே இருக்கிறேன் ..

இப்படிக்கு 

s.சோனா 

ஒரு தாயின் முத்தம்

கை கால்
உதைத்து ,
களைத்த
குழந்தைக்கு
அம்மாவின்
உதடுகளால்
ஒத்தடம் ...
முத்தம் .....

எங்களின் (பெண்களின் ) நட்பு

அன்றொருநாள்
அவளைக்
கண்டேன் ...

பள்ளிகூட
தோழியவள்...
பாசமிகு
பாவையவள் ...

கண்ட நொடி
கண்களில்
மிளிர்ந்தன
மின்னல்கள் ....

சிலநொடி
சிரிப்புகள் ...
பலநொடி
ஏக்கங்கள் ...

கலைந்து விட்ட
கனவுகள் ..

கிழிந்து விட்ட
கடிதங்கள் ...

மறந்து விட்ட
நினைவுகள் ...

மீண்டும்
முளைத்தன ...
முன்னே வந்து
சிரித்தன ...

அடடா ...
அதெல்லாம்
சில நொடி !
அழைப்புமணி
ஒலித்து
அலைபேசி அழைக்க ...

அச்சச்சோ !
நேரமாச்சு...
பதைத்தன கொஞ்சம்  ..
துடித்தது நெஞ்சம் ...

கடைசியில் கடக்கையில் ,
திரும்பினோம்
இருவரும் ...
கண்ணீரில் கனத்த
கண்களுடன் ...

பெண்களின் நட்பில்
பரிதாபம்தான்
என்றும்
மிச்சம் ...

எங்கள் வீட்டு குட்டி தேவதை (சோனா )....

அவள்
அம்மாவின்
பொய் அழுகைக்கு
தானும்
சேர்ந்து
அழும்
அழகிய
பேதை .....

அவள்
பட்டுப்பாவாடை
அணிந்த
குட்டி தேவதை ...

அவள்
தன் தம்பிக்கு
இரண்டாம்
தாய் ....

அவள்
அப்பாவை
அதிகம்
சாப்பிடச்சொல்லி
அதட்டும்
அழகான
ராச்சசி...

அவள்
அம்மாவின்
சிறந்த
ஆடை தேர்வாளர் ...

அவள்
முத்தமிட்டு ,
பள்ளி செல்லும்
பேதை ...

அவள்
மின்னல்
கீற்றுகளை ,
கன்னங்களில்
குவித்து
வீசும்
தாரகை...

அவள்
மின்மினிப்பூச்சாய்
கண் சிமிட்டும்
காரிகை ...

மொத்தத்தில்
அவள்
வாழும்
எங்கள் வீடு ,
ஒரு குட்டி
தேவதையின்
கூடு .....

மகனே உனக்காக ....

தெத்தித் ததும்பி 
நீ பேசும் 
மொழி கண்டு 
துள்ளித்தெரித்து 
ரசிக்கிறது 
தாய் (தமிழ் )மொழி .....

குழையும்  
உன் கன்னங்களில் 
குவிந்து கிடக்குது 
கோடி மலர்கள் ....

நவரசம் காட்டும் 
உன் திருமுகத்தை 
பழரசம் போல் அள்ளிப்
 பருக ஆசை .... 

மிளிரும் உன் 
சிரிப்பை காண 
'மிமிக்ரி '
செய்ய 
தூண்டுகிறாய் .....

'வக் வக் 'என நீ 
சிரிக்கையில் 
'பக் பக் ' என 
தாய்மனம் 
தவிக்குது 
பிறர் கண் 
படுமோ என்று ...

உதடு பிதுக்கி நீ 
வெதும்பும் வேளையில் 
அடடா ! அதை ரசிக்க 
ஆயிரம் கண் 
போதாது ....

முத்தமிழும் போதவில்லை ...
செந்தமிழை தூற்றவில்லை ....
வருணிக்க வார்த்தையில்லை ....
வேறேதும் தோன்றவில்லை ...
உன் அன்பை விட 
அழகு ஏதுமில்லை ....

கவிதை குழந்தை நதிஷ்.....

சின்ன சின்ன
தொட்டில் கட்டி,
சிங்காரம்
பண்ணி வெச்சேன்!

முத்துமணி ரத்தினமே
உனக்காக
காத்திருந்தேன்!

புதுசாப்பூத்த
பூவப்போல,
பூவுலகில் நீயும்
வந்தாய் !

தென்றலுக்கு
சேதி சொல்லி
விளையாட்டு காட்டச்
சொன்னேன் !

உன்னோடு
சேர்ந்திருக்க
உமையாளை
வேண்டிக்கிட்டேன்!

நாள் தோறும்
நீ் வளர
நயமாக
பார்த்துக்கொள்வேன்....

நதியை போல
நன்மை செய்ய
நதிஷ் -ன்னு பேரு
வெச்சேன் ...

நாலு திசை
போற்றிடவே
நீ
வாழு
செல்ல கண்ணே ...

அறுசுவை இணையத்தில் வெளிவந்த கர்ப்பிணிதாயாக ,கவிதை

அறுசுவையில் வெளி வந்த எனது கர்ப்பிணித் தாயாக கவிதை

அறுசுவை இணையத்தில் வெளிவந்த எனது கவிதைகள் .....

அறுசுவையில் வந்த முதுமை மற்றும் ஒரு கர்ப்பிணியின் கவிதை ,என்னாலும் முடியும் கவிதைகள் ....

மகளே உனக்காக .....

  

பெண்ணாய் பிறந்த 

பேற்றினால் 

உன் அம்மா ஆனேன் .....

உன் அன்புக்கு 

முன்னே 

அடிமை ஆனேன் ....