உனக்கென நான்....

 

நட்சத்திர நினைவுகள்

உன்னை 

நினைக்கும் போதெல்லாம் ,

நட்சத்திரம் ஒன்றை 

விண்ணுக்கு 

பரிசளிக்கிறேன்   ....

உன்னை 

எத்தனை முறை

 நினைத்தேன் என 

சற்று

 வானத்தை வந்து பாரடா அன்பே !!!!

-சங்கீதா செந்தில் 

kolam / rangoli design 120 /valentines day rangoli /கோலம் -ரங்கோலி டிசைன் 120

நீ ....

என் கவிதைக்கு 

கிடைத்த, 

முதல் வார்த்தை 

நீ .....

என் பெண்மைக்கு 

கிடைத்த முதல் 

வெட்கம் 

நீ ....

என் சிரிப்புக்கு 

கிடைத்த 

ஒலி வெள்ளம் 

நீ ...

என் பார்வைக்கு 

மட்டும் 

எல்லாமுமாய் 

நீ ....

    

- சங்கீதா செந்தில் 

பிரிவு

அடுப்பங்கறை அத்தியாயங்கள்....

கருகிப்போன தோசைகளை 

தனக்காய் கொண்டு
அழகாய் வந்த தோசைகளை
அவருக்கு அளிப்பதில்
தொடங்குகிறது ...
பெரும்பாலும் பெண்களின்
அடுப்பங்கறை அத்தியாயங்களும்
அன்பின் பரிமாற்றங்களும்....
-சங்கீதா செந்தில்

நம்பிக்கையில் நான் .....

உனக்கென்று
எழுதிய
கடவுளின் பட்டியலில்,
என் பெயரும்.....

எப்படி என்றே 

தெரியாமல் ,

காலம் காட்டிய 

திசையில் 

பயணித்து விட்டோம் .....

திரும்பிப்பார்க்கையில் 

இன்னும் இரு 

உயிர்கள் ,

நம் வாழ்க்கையில் .....

ஏனென்று தெரியாத 

சில மாற்றங்கள் ....

வாழ்வை மாற்றிய 

சில தருணங்கள் ....

இடை இடையே தோன்றிய 

ஊடல்கள் ...

மீண்டும் கடக்க இயலா 

சில நினைவுகள் ....

வருடங்கள் கடந்தும் 

வாழ்வில் மாற்றமில்லை ....

மாறாத அன்போடு ,

மனங்களிரண்டும் 

கரம் கோர்த்து 

காத்திருப்போம் ...

இன்றளவும் எனக்குள் 

ஒரு நம்பிக்கை ...

எத்துணை துயரிலும் 

என்னுடன் நீ 

வருவாய் என 

நம்பிக்கையில் நான் .....

Krishna and Radha painting /painting 19

ஹைக்கூ...

உன்னையே எண்ணி இன்னமும் நான் ...

என் பாதைகள் எங்கும்
உன் பாதங்கள் தேடி ,
உன்னையே எண்ணி
இன்னமும் நான்...

உன் ஒற்றைச்சொல் கேட்க
ஓடிவரும் மழலைபோல,
உன்னையே எண்ணி
இன்னமும் நான் ....

ஆதிமுதல் அந்தம் வரை
எல்லமாகிப்போன,
உன்னையே எண்ணி
இன்னமும் நான் ...

போகும் இடங்கள் எங்கும்
தொடரும் உன் நினைவுகள் ஏந்தி ,
உன்னையே எண்ணி
இன்னமும் நான் ...

என் இறுதி மூச்சின்
உஷ்ணமது தீரும்வரை
உன்னையே எண்ணி
இன்னமும் நான் ...

முத்தத் திலகம்

நெற்றிப்பொட்டில்  நீ ,

அழுத்திப் பதித்த 

அந்த முத்தம் போல 

சிறந்த திலகம் 

எனக்கு வேறேதுமில்லை ...

- சங்கீதா  செந்தில் 

மௌனம்

அவள்
அதிகம் பேசும் ,
நான்
மிகவும் ரசிக்கும்
மொழி
"மௌனம் "

நிராகரிப்பு ...

பெயர் ...

wall painting 3

மீண்டும் வேண்டும் நீ ....

தொலைந்து போன கனவுகள் தேடிப் 
பறக்கும் பட்டாம்பூச்சியைப் போல ,
உன் நினைவுகள் தேடிப் பறப்பேன் 
வானமெங்கும் !!!

என் குறைகளெல்லாம் முதலாய் வந்து ,
எடுத்துச் சொல்ல 
எனக்குமீண்டும் வேண்டும் 
நீ !!!


எங்கோ ஒலிக்கும் பாடல் தேடி ,
என் செவியை நிறைக்க 
எனக்கு மீண்டும் வேண்டும் 
நீ !!!!!

துயிலுறங்கும் நேரம் கூட,
என் துயரம் துடைக்க 
எனக்கு மீண்டும் வேண்டும் 
நீ !!!!

நடந்ததெல்லாம் கனவாய்ப்
போக !
நினைவுகள் மட்டும் நிஜமாய் ஆக 
எனக்கு மீண்டும் வேண்டும் 
நீ !!!!

 இவ்வரிகள் எழுதும் இந்த வேளை ,
என் கண்ணில் முட்டும் 
கண்ணீர் துடைக்க 
எனக்கு மீண்டும் வேண்டும் 
நீ !!!!


எதிலெதிலோ நினைவாய் வந்தாய் நீ !
என்றென்றும் நிஜமாய் 
எனக்கு மீண்டும் வேண்டும் 
நீ !!!!

வருவாயா ? கரம் தருவாயா ?
என் எதிர்பார்த்து ஏங்கும் ,
எனக்கு மீண்டும் வேண்டும் நீ !!!!

my small words for my hubby....

what a wonderful moment with u my sweeeeettt hubby

yes! i am so happy with u
i want to be with u now and forever with holding ur hands..

yes u show who i am..
i am really feeling free when u r with me..

u made me smile, u made me laugh
u made me strong, u made me beautiful ...

years may passed
bt our love growing very fast ...

"u" the wonderful man
what i need ,
u had that.....
we r travelling the same way in the sky
with same thoughts ...

thanks a lot for showing your love to me..'

thanks a lot for choosing me as ur wife

i want to love u more n more from now and ever...

quilling art from waste papers

உன் மௌனம்....

என் கவலை 
மறைக்க ,
உன் நினைவுகளை 
பொறுக்கி ,
சாயம் பூசுகிறேன் .....

குழப்பங்களின் 
குவியல் மீது 
வாடும் குருவிக்கூட்டின் 
முட்டை போல ,
தினம் தினம் 
உடைந்து போகிறேன் ....

தாயின் கோபம் கண்டு ,
தாயையே கட்டி அழும் ,
மழலை போல 
உன்னையே எண்ணி ,
அழுகிறேன் .....

உன் மௌனம் போல 
என்னைக் கொல்லும் 
ஆயுதம்  வேறில்லை ......

கரம் தந்து 
காக்க கூட 
வேண்டாம் .....
கருணைப் பார்வை 
ஒன்றை வீசிவிடு .....
போதுமெனக்கு 
பொறுமை காப்பேன் .......

மனைவியாய் நான் ....

நடுங்கும் குளிரில் நடுநிசி இரவில் ,
உன் உதறல் கண்டு ,
போர்வை போர்த்த பிடிக்கும் ...

பசியாய் வரும் உனக்கு பதார்த்தங்கள் பல
ருசியாய்ச் செய்யப் பிடிக்கும் ....

நீ கோபம் கொள்ளும் நேரம் ,
உன் கன்னம் கிள்ளப் பிடிக்கும் ....

குழந்தைகளை கொஞ்சும் உன்னைத்
தூரம் நின்று ரசிக்கப் பிடிக்கும் ....

மரங்கள் அடர்ந்த வீதியிலே
உன் கரங்கள் கோர்க்க பிடிக்கும் .....

மயிலிறகால்  வருடி உன்னைத்
 துயில் எழுப்பப் பிடிக்கும் ....

உன் வாசம் சுமந்த ஆடைகளை
துவைக்கும் முன் ரசிக்கப் பிடிக்கும் ....

துன்பங்கள் உன்னை துரத்தும் வேளை
தோள் சாய்த்து ,துணையாய்  இருக்கப் பிடிக்கும் ...

உன்னோடு வாழ்ந்த தருணங்கள் அதை
நினைத்துப் பார்க்க பிடிக்கும்...

மொத்தத்தில் ,
என் அன்பை வார்த்தைகளை விட ,
 இது போல கவிதைகளாய்
வெளிபடுத்த மிகப்  பிடிக்கும் ....