ரொம்ப நாளா போடணும்னு நினைத்த ரெசிபி இது .நேரமின்மையால போட முடியல . இந்தியாவின் மிக பெரிய உணவின் அடையாளமாய் திகழும் பிரியாணி ரெசிபி இதோ
தேவையான பொருட்கள் :
பிரியாணி அரிசி - 1 டம்ளர்
சிக்கன் -300 கிராம்
பல்லாரி - 2
தக்காளி - 1
புதினா ,மல்லிதழை - கொஞ்சம்
எலுமிச்சை சாறு - 2 ஸ்பூன்
தயிர் - 2 ஸ்பூன்
தாளிக்க :
நெய் - 5 ஸ்பூன்
பட்டை - 1
கிராம்பு - 1
பிரிஞ்சி இலை - 1
ஏலக்காய் - 1
பூண்டு - 2 (தட்டியது )
சோம்பு - 1 ஸ்பூன்
அரைக்க :
இஞ்சி - 25 கி
பச்சைமிளகாய் - 4
பூண்டு - 25
செய்முறை :
- முதலில் அரைக்க வேண்டிய பொருட்களில் இஞ்சி பூண்டு தனியாக அரைத்து அதில் 1 ஸ்பூன் இஞ்சிபூண்டு விழுது தனியே எடுத்து வைக்கவும் . மீதி இருக்கும் இஞ்சி பூண்டு விழுதுடன் பச்சைமிளகாயும் சேர்த்து அரைத்து வைக்கவும் .
- சிக்கனை சுத்தம் செய்து அதனுடன் இஞ்சிபூண்டுபச்சைமிளகாய் விழுது , மஞ்சள்தூள் ,தயிர் ,உப்பு சேர்த்து பிசறி 2 மணிநேரம் ஊற வைக்கவும் .(இப்படி செய்வதால் சிக்கனுடன் மசாலா ,உப்பு ,காரம் ஏறி சுவையாக இருக்கும் .)
- பின்பு குக்கரை வைத்து அதில் சிறிது நெய் விட்டு , தாளிக்க வேண்டிய பொருட்களை தாளிக்கவும் .
- அதனுடன் பல்லாரி ,இஞ்சிபூண்டு விழுது , சேர்த்து வதக்கவும் .
- வெங்காயம் வதங்கியதும் ,தக்காளி சேர்த்து வதக்கவும் .
- அதனுடன் மல்லி ,புதினா ,ஊறவைத்த சிக்கன் துண்டுகள் ,உப்பு சேர்த்து நன்கு கிளறவும் .
- இதனுடன் 2 டம்ளர் தண்ணீர் சேர்த்து ,கொதிக்க விடவும் . உப்பு ,காரம் சரி பார்க்கவும் .
- இதனுடன் பிரியாணி அரிசியும் சேர்த்து கிளறி ஒரு கொதி கொதிக்கவிட்டு ,1 ஸ்பூன் நெய் விட்டு (இப்படி செய்வதால் குக்கரில் சாதம் ஒட்டாது .குக்கரை மூடி வெய்ட் போட்டு சிம்மில் 10 நிமிடங்கள் வைக்கவும் .
- 10 நிமிடம் கழித்து ,அடுப்பை நிறுத்தி விடவும். உடனே திறக்க கூடாது .
- 1 மணிநேரம் கழித்து குக்கரை திறந்து ,மேலும் சில புதினா ,மல்லிதழை ,எலுமிச்சை சாறு விட்டு மேல் உள்ள சாதம் கீழும் கீழே உள்ள சாதம் மேலும் வருமாறு கிளறி விடவும் .
- சிறிது நேரம் கழித்து பரிமாறலாம் . மிகவும் சுவையான ,மணமான கவர்திழுக்கும் சிக்கன் பிரியாணி தயார் .
கருத்துகள் இல்லை:
கருத்துரையிடுக
உங்கள் கருத்துக்களை பகிர்ந்தமைக்கு என் மனமார்ந்த நன்றிகள் ....