சோயா பொரியல் (soya curry)

மிகவும் சத்தான சுவையான ,சோயா பொரியல் செய்வதும் மிக சுலபம் தான் ..இதன் சுவை உங்களை கவர்ந்து விடும் ..சோயா கிரேவி போல இதுவும் எங்கள் வீட்டில் பிடித்த உணவு ....

தேவையான பொருட்கள் :

சோயா - 1 கப் 

வெங்காயம் - 5 (பொடியாக நறுக்கியது )

சோம்பு - 1 ஸ்பூன் 

கடுகு - 1 ஸ்பூன் 

உளுந்தம்பருப்பு - 1 ஸ்பூன் 

மிளகாய்த்தூள் - 1 ஸ்பூன் 

மல்லித்தூள் - 1/2 ஸ்பூன் 

கரம் மசாலா தூள் - கால் ஸ்பூன் 

உப்பு - தேவைக்கு 

செய்முறை :

• முதலில் சோயாவை உப்பு சேர்த்து , வேகவைத்து எடுத்து ,தண்ணீரை வடித்து , பிழிந்து கொள்ளவும் . அதை 2(அ) 3 துண்டுகளாக வெட்டி தனியே வைக்கவும் .
• ஒரு கடாயில் எண்ணெய் விட்டு , கடுகு சேர்த்து வெடித்ததும் , உளுந்து , சேர்க்கவும் . பிறகுசோம்பு , வெங்காயம் சேர்த்து வதக்கவும் .
• இதனுடன் சோயா துண்டுகளை சேர்த்து , மிளகாய்த்தூள்  ,மல்லித்தூள்  ,கரம் மசாலாத்தூள்களை சேர்க்கவும் .
• உப்பும் சிறிது சேர்க்கவும் (உப்பு ஏற்கனவே வேக வைக்கும்  போது சேர்த்து இருப்பதால் , கவனமாக சேர்க்கவும் .)
• சிறிது தண்ணீர் தெளித்து கொள்ளவும் . எல்லாம் நன்றாக கலக்கும் படி நன்கு கிளறி , 2 நிமிடங்கள் கழித்து இறக்கி விடவும் .
• அவ்வளவுதான் சுவையான சோயா பொரியல் தயார் ...