மட்டன் குழம்பு (mutton kuzhambu)

மண் சட்டியில் வைக்கும் மட்டன் குழம்பு மிகவும் சுவையாக இருக்கும் . எங்கள் வீட்டில் மண்சட்டியில் தான் மட்டன் குழம்பு செய்வோம் ..இதே போல மட்டன் கிரேவியும் சுவையானது அதை பார்க்க இங்கே கிளிக் செய்யவும் .எப்படி செய்வதுன்னு பார்க்கலாம் வாங்க..

தேவையான  பொருட்கள் :

மட்டன் - 1/2 கிலோ 

இஞ்சி -1 துண்டு (இரண்டு விரல் அகலம் இருக்கலாம் .அதை சிறிது தண்ணீர் சேர்த்து அரைத்துக்கொள்ளவும் ) 

 சின்ன வெங்காயம் - 15 

உருளை -2 

தக்காளி -1 

மிளகாய்த்தூள் -1 மற்றும் 1/2 ஸ்பூன் 

மல்லித்தூள் -1 ஸ்பூன் 

மஞ்சள்தூள் -1/2 ஸ்பூன் 

மிளகுதூள் -1/2 ஸ்பூன் 

கரம் மசாலாத்தூள் -கால் ஸ்பூன் 

உப்பு - தேவையான அளவு 

தாளிக்க :

பட்டை -1 சிறிய துண்டு 

கிராம்பு -1 

ஏலக்காய் -1

பிரிஞ்சி இலை - 1

சிறிய வெங்காயம் - 3 (பொடியாக நறுக்கியது )

கருவேப்பில்லை -1 கொத்து 

அரைக்க :

தேங்காய் - 4 துண்டுகள் 

முந்திரி - 3 

சோம்பு - 1/2 ஸ்பூன் 

பூண்டு - 2 

செய்முறை :

• முதலில் மட்டனை சுத்தம் செய்து , அரைத்த இஞ்சி,மஞ்சள் தூள் ,உப்பு  சேர்த்து ,அரிசி கழுவிய தண்ணீர் 4 கப் சேர்த்து வேகவைத்து எடுத்துக்கொள்ளவும் . 
• இந்த வேகவைத்த தண்ணீரை,மிளகுத்தூள் ,சீரகத்தூள் சேர்த்து  சூப் போலவும் குடிக்கலாம் . மீதியை சமைக்கவும் வைத்துக்கொள்ளாம் .
• பிறகு ஒரு மண் சட்டியில் (வேறு பாத்திரம் கூட உபயோகிக்கலாம் .உங்கள் விருப்பம் )வேகவைத்த தண்ணீருடன் சேர்த்த மட்டன் மற்றும் சிறிது தண்ணீர் சேர்த்து , கொதிக்க விடவும் .
• கொதி வந்ததும் ,வெங்காயம் ,தக்காளி ,உருளைகிழங்கு  மிளகாய்த்தூள்,மல்லித்தூள்,மஞ்சள்தூள்,மிளகுத்தூள்,உப்பு,கரம்மசாலா தூள் சேர்த்து மூடி 10நிமிடங்கள் வேகவிடவும் .
• பிறகு ஒரு முறை கிளறி விட்டு மீண்டும் மூடி 5 நிமிடங்கள் வேகவிடவும் .
• பிறகு தாளிக்க கொடுத்துள்ள பொருட்களை தாளித்து அதை குழம்பில் சேர்த்து ,5 நிமிடங்கள் கொதிக்க விடவும் .
• இதனுடன் அரைக்க கொடுத்துள்ள பொருட்களை அரைத்து ,அந்த விழுதையும் சேர்த்து ,கொதிவந்ததும் இறக்கிவிடவும் .
• அவ்வளவுதான் சுவையான ,மணமான மட்டன் குழம்பு தயார் .