பொட்டுகடலை லட்டு (roasted gram ladoo )

தேவையான பொருட்கள் :

பொட்டுகடலை -1 கப்

சர்க்கரை - 1/2 கப் 

நெய் - கால் கப் (உருக்கியது )

ஏலக்காய் தூள் - கால் ஸ்பூன் 

முந்திரி - 10

செய்முறை :

• பொட்டுகடலையை  வாணலில் எண்ணெய் விடாமல் 2 நிமிடங்கள்,நல்ல வாசனை வரும் வரை வறுத்துக்கொள்ளவும் .
• அதை ஆறவிட்டு மிக்ஸியில் நன்கு பொடித்துக்கொள்ளவும்.
• சர்க்கரையும் பொடித்து  வைக்கவும்.
• பொடித்தவற்றை ஒன்றாக சேர்த்து சலித்துக் கொள்ளவும் .
•  வாணலில் சிறிது நெய் விட்டு உடைத்தமுந்திரிகளை சேர்த்து வறுத்துக்கொள்ளவும் .
• நெய்யை  1 நிமிடம் சூடு செய்து , பொடித்து வைத்த கலவையுடன் சேர்க்கவும்.அதனுடன் ஏலக்காய் தூள் ,வறுத்த முந்திரி சேர்த்துக்கொள்ளவும் .  
• இப்போது நெய்,பொடித்த மாவுடன்  நன்கு  பரவுமாறு  கிளறிக்கொள்ளவும்.
• நெய் கலந்த மாவு சூடாக இருக்கும் போதே உருண்டைகள் பிடிக்கவும் .
• இப்போது சுவையான மணமான ,சத்தான பொட்டுகடலை லட்டு தயார் . .