காலிபிளவர் கேப்சிகம் கிரேவி ( cauliflower capsicum gravy)

தேவையான பொருட்கள் :

காலிபிளவர் - 1 கப் (நறுக்கியது )

குடைமிளகாய் -1/2 கப் (நறுக்கியது)

பச்சை பட்டாணி - 1/2 கப் (வேகவைத்தது)

பல்லாரி - 1 

தக்காளி - 1 

இஞ்சி - 1 துண்டு 

பூண்டு - 2 பல் 

சீரகம் -1/2 ஸ்பூன் 

மிளகாய் தூள் - 1/2 ஸ்பூன் 

மஞ்சள்தூள் -1/2 ஸ்பூன் 

மல்லித்தூள் - 1/2 ஸ்பூன் 

கரம் மசாலா தூள் - கால் ஸ்பூன் 

பட்டை - 1 சிறிய துண்டு 

பிரிஞ்சி இலை - 1 சிறிய இலை 

கிராம்பு - 1 

சோயா சாஸ் - 1/2 ஸ்பூன்

டோமடோ சாஸ் - 1/2 ஸ்பூன் 

புதினா - 6 இலைகள் 

உப்பு - தேவையான அளவு 

செய்முறை :

• முதலில் வெங்காயம் ,தக்காளி சிறியதாக நறுக்கிக்கொள்ளவும்.இஞ்சி பூண்டை பொடியாக நறுக்கிகொள்ளவும் .
• பட்டாணியை வேக வைத்து எடுத்துக்கொள்ளவும் 
• கடாயில்  ,எண்ணெய் விட்டு அதில் பட்டை ,கிராம்பு ,பிரிஞ்சி இலை ,விட்டு அதனுடன் சீரகம் ,இஞ்சி ,பூண்டு ,சேர்த்து வதக்கவும் .
• அதனுடன் நறுக்கிய பல்லாரி சேர்த்து பொன்னிறமாகும் வரை வதக்கி அதனுடன்  காலிபிளவர் ,குடைமிளகாய் ,தக்காளியும் சேர்த்து வதக்கவும் .
• அதில் பட்டாணி ,மிளகாய் தூள்,மல்லித்தூள் ,கரம் மசாலாத்தூள் ,மஞ்சள்தூள் ,உப்பு சேர்த்து வதக்கவும் .
• இதனுடன் சிறிது தண்ணீர் தெளித்து ,மூடிவிட்டு வேகவிடவும்.
• இறுதியாக சோயா சாஸ், தக்காளி சாஸ் ,புதினா சேர்த்து 1 நிமிடம் வேகவிட்டு இறக்கவும் .
• உங்கள் சுவைக்கு ஏற்ப காரத்தை கூட்டிக்கொள்ளலாம் .
• இது சப்பாத்தி ,ரொட்டிக்கு தொட்டுக்கொள்ள சுவையாக இருக்கும் .