ஈரல் வறுவல் /goat liver fry

பொதுவாக மட்டன் ஈரல் வைட்டமின் A நிறைந்தது . குறிப்பாக குழந்தைகள் ,கர்ப்பிணிகளுக்கு மிகவும் உகந்தது . மட்டன் ஈரல் மட்டும் தனியாக வறுவல் செய்தால் சிறந்த சுவையுடன் இருக்கும் ...

prawn 65/இறால் 65

இறால்65 மிகவும் அருமையா இருக்கும் .முக்கியமா குழந்தைகளுக்கு மிகவும் பிடிக்கும் 

தந்தூரி சிக்கன் /tandoori chicken/no oven recipe

தந்தூரி சாப்பிட ஹோட்டல்  போக வேண்டிய அவசியம் இல்லை ..மிகவும் சுலபமான முறையில் சுவையா தயாரிக்கலாம் வாங்க ..

தேவையான பொருட்கள் :

சிக்கன் துண்டுகள் - 8 -10 (leg piece also)

தயிர் - 1கப் 

வெண்ணெய் - 1 ஸ்பூன் 

மஞ்சள்தூள் - 1 ஸ்பூன் 

சிவப்பு கலர் பவுடர் - சிறிது 

மிளகாய் தூள் - 2 ஸ்பூன் 

இஞ்சி பூண்டு விழுது - 1 ஸ்பூன் 

உப்பு - தேவைக்கு

எண்ணெய்- தேவைக்கு

அடுப்பு கரி - 2 அல்லது 3  துண்டுகள் 

அலங்கரிக்க :

வெங்காயம் - நறுக்கியது 

மல்லி தழை - சிறிது 

எலுமிச்சை  -  2 துண்டுகள் 

செய்முறை :

• சிக்கன் துண்டுகளை சுத்தம் செய்து ஆழமாக   கீறி வைக்கவும் .

• அதனுடன் தயிர், இஞ்சி பூண்டு விழுது ,சிவப்பு கலர் பவுடர் ,உப்பு ,மிளகாய்த்தூள் சேர்த்து நன்கு பிரட்டி ஊறவிடவும் 
• இதை அப்படியே 1 மணி நேரம் வைக்கவும் .
• ஒரு நான்ஸ்டிக் பான் வைத்து அதில் எண்ணெய் மற்றும் வெண்ணெய் சேர்க்கவும் .
• அதில் சிக்கன் துண்டுகளை இட்டு,இருபுறமும் திருப்பி  10 - 12 நிமிடங்கள் நன்கு  அடர் பொன் நிறமாகும் வரை வைக்கவும் .
• அங்காங்கே கருப்பாக வரும்வரை வைக்கவும் 
• அடுப்புக்கரி துண்டுகளை காஸ் அடுப்பின் flame ல் வைத்து ,நன்கு சிவப்பாகும் வரை நெருப்பிலே வைக்கவும் 
• ஒரு பாத்திரத்தில் சமைத்த சிக்கன் துண்டுகளை வைத்து , ஒரு சிறு கிண்ணத்தில் நெருப்பில் வைத்த அடுப்புக்கரியை வைத்து ,அந்த கிண்ணத்தில் உள்ள கரியில் சில துளிகள் எண்ணெய் விடவும் .
• அதிலிருந்து இப்போது புகை வெளிவரும் உடனே அந்த பாத்திரத்தை மூடி விடவும் 
• அந்த புகை சிக்கன் துண்டுகளுடன் பாத்திரம் முழுதும் இருக்கும் .
• 1 நிமிடம் இப்படியே விட்டு பாத்திரத்தை  திறந்து சிக்கன் துண்டுகளை வெளியே எடுக்கவும் .
• இதனுடன் வெங்காயம் ,எலுமிச்சை ,மல்லித்தழை வைத்து பரிமாறவும் 
• நிச்சயம் சுவையாக இருக்கும் 

சிக்கன் பிரியாணி 2/chicken briyani 2

எப்போதும் ஒரே மாதிரி பிரியாணி செய்யாமல் நான் சில மாற்றங்கள் செய்து அவ்வப்போது சமைப்பது வழக்கம் ... அதுபோல முயற்சித்தது இந்த பிரியாணி ...சொல்லப்போனால் இதை செய்த பிறகு அதிக முறை செய்து விட்டேன் ...என் கணவரின் favourite ஆகி விட்டது ..

இந்த பிரியாணிக்கு மணம் சிறப்பாக இருக்கும் .அதற்க்கு காரணம் இதில் அரைத்து சேர்க்கும் முறை தான்  ..

தேவையான பொருட்கள்:
பாசுமதி அரிசி - 1 கப்
சிக்கன் - 1மற்றும் 1/4 கப்
வெங்காயம் - 1 பெரியது
தக்காளி - 1
இஞ்சி பூண்டு விழுது -1 ஸ்பூன்
தயிர் - 2 ஸ்பூன்
பிரிஞ்சி இலை -1
பட்டை -1 சிறிது
கிராம்பு - 1
நெய் - 2 ஸ்பூன்
எண்ணெய் - 2 ஸ்பூன்
மல்லி ,புதினா - சிறிது

அரைக்க :
சின்ன வெங்காயம் - 5

பச்சை மிளகாய் - 1
மிளகாய் தூள் - 1 ஸ்பூன் (உங்கள் காரத்துக்கு ஏற்ப )
தக்காளி - 1
பட்டை - 1
ஏலக்காய் - 1
கிராம்பு -2
மிளகு - 1ஸ்பூன்
சீரகம் - 1 ஸ்பூன்
சோம்பு -1 ஸ்பூன்
புதினா ,மல்லி - சிறிது

செய்முறை :

• முதலில் தக்காளி வெங்காயம் நறுக்கி வைக்கவும் .
• பாஸ்மதியை சிறிது ஊற வைக்கவும் .
• அரைக்கவேண்டியவற்றை அரைத்துக்கொளவும் .
• பின் குக்கரில் எண்ணெய் ,நெய் விட்டு ,பட்டை ,பிரிஞ்சி இலை ,கிராம்பு ,சேர்த்து ,பின் வெங்காயம், இஞ்சி பூண்டு விழுது,தக்காளி சேர்த்து வதக்கவும்
• .அதனுடன் சிக்கன் துண்டுகள் ,அரைத்த மசாலா சேர்த்து வதக்கவும் ..
• பின் உப்பு சேர்த்து ,2 கப் தண்ணீர் சேர்த்து ,கொதிக்க விடவும் .
• உப்பு ,காரம் சரிபார்த்து ,அரிசி சேர்த்து ,1 கொதி விட்டு ,மல்லி ,புதினா தூவி மூடி சிம்மில் 10 நிமிடங்கள் வைக்கவும் .
• 10 நிமிடங்கள் கழித்து ,அடுப்பை அணைக்கவும் .
• முக்கிய குறிப்பு : 
• அடுப்பை அணைத்த பின் உடனே திறக்க கூடாது .1-2 மணி நேரம் அப்படியே விடுவது சிறந்தது .
• குக்கரை திறக்கும் போது அதன் மணம் கமகமக்கும் ...
• சுவையான சிக்கன் பிரியாணி தயார் 
• இதே முறையில் ,அரிசியை பாதி வேகவிட்டு வடித்து , வதக்கிய பொருட்கள் ,மசாலா சேர்த்து ,மூடி தம் போட்டும் செய்யலாம் ..
• இந்த முறையும் சுவையாக இருக்கும் ..
• இதனுடன் தாள்ச்சா , வெங்காய ரெய்தா ,வேகவைத்த முட்டை இவற்றோடு பரிமாறினால்,இன்னும் சுவை கூடும் ..

மிளகு முட்டை வறுவல் /EGG PEPPER FRY

மிக சுலபமான டேஸ்ட்டான இந்த வறுவல் எளிய சமையலுக்கு சிறந்த சாய்ஸ் ...கண்டிப்பா முயற்சித்து பாருங்க ...

சிக்கன் சூப் /chicken soup

மிகவும் எளிய சூப் இது ..உங்கள் ஞாயிறுகளை மேலும் சுவையாக்கும் ...

கிராமத்து மீன் குழம்பு

இந்த மழை காலத்தில் மீன் குழம்பு மிக பொருத்தமான உணவு .. அதை மண்சட்டியில் சமைப்பது இன்னும் சுவை சேர்க்கும் ..எங்கள் அம்மாவின் மீன் குழம்பு அருமையாக இருக்கும் . அதே முறையில் செய்ததுதான் இந்த ரெசிபி 

சிக்கன் பிரியாணி /chicken biryani

ரொம்ப நாளா போடணும்னு நினைத்த ரெசிபி  இது .நேரமின்மையால போட முடியல . இந்தியாவின் மிக பெரிய  உணவின் அடையாளமாய் திகழும் பிரியாணி ரெசிபி இதோ 

நண்டு கிரேவி /crab gravy /nandu gravy

மிகவும் சுவையான நண்டு கிரேவி செய்யும் போது ,இதை சுத்தம் செய்த உடனே ,தேங்காய் பாலில் போட்டால் இதன் சத்துக்கள் வீணாகாது .

முயல் கறி குழம்பு/muyal curry kuzhambu / rabbit kuzhambu

என் கணவரின் மிக நீண்ட நாள் ஆசை முயல் கறி சாப்பிட வேண்டும் என்று .. அப்படி முயல் கறி கிடைத்தும் செய்து பார்த்தேன் .. நன்றாகவே இருந்தது . இதில் முக்கியமாக கவனிக்க வேண்டியது , இதை நன்கு வேகவைப்பது அவசியம் 

மட்டன் ரத்த பொரியல் /mutton blood poriyal /aattu raththam poriyal

சுலபமான இந்த பொரியல் சுவையானதும் கூட .....

இறால் மிளகு வறுவல் (prawn pepper fry )

இறால் மிளகு வறுவல் ஒரு தடவை செய்து பாருங்க .மீண்டும் மீண்டும் செய்துகிட்டே இருப்பீங்க .....

மிளகு மட்டன் வறுவல் (pepper mutton fry )

முதல் முறையாக இந்த மட்டன் மிளகு ப்ரை செய்து பார்த்தேன் . மிகவும் சுவையாக இருந்தது .நிச்சயம் உங்களுக்கும் இது பிடிக்கும் . செய்து பாருங்க ..

மட்டன் குழம்பு (mutton kuzhambu)

மண் சட்டியில் வைக்கும் மட்டன் குழம்பு மிகவும் சுவையாக இருக்கும் . எங்கள் வீட்டில் மண்சட்டியில் தான் மட்டன் குழம்பு செய்வோம் ..இதே போல மட்டன் கிரேவியும் சுவையானது அதை பார்க்க இங்கே கிளிக் செய்யவும் .எப்படி செய்வதுன்னு பார்க்கலாம் வாங்க..

ஈசி மட்டன் கிரேவி (easy mutton gravy)

                             ஈசி மட்டன் கிரேவி 

இந்த முறையில் மட்டன் கிரேவி செய்து பாருங்க .... சுலபமா இருக்கும் ...அதே சமயம் உங்க வீட்ல எல்லோரும் இன்னும் வேணும்னு கேட்டு வாங்கி சாப்பிடுவாங்க ... எப்படி செய்றதுன்னு பாக்கலாம் வாங்க ...

தேவையான பொருட்கள் :

பெரிய வெங்காயம் -1 

தக்காளி -1 

மட்டன் -1 கப் 

பச்சை மிளகாய் - 2

மல்லி தழை -சிறிது 

கருவேப்பில்லை -சிறிது 

மிளகாய் தூள் - 1 ஸ்பூன் 

மஞ்சள் தூள் -1/2 ஸ்பூன் 

மல்லி தூள் -1 ஸ்பூன்

சீரக தூள் -1/2 ஸ்பூன் 

கரம் மசாலா தூள் -1/2 ஸ்பூன்  

பட்டை -1 

கிராம்பு -1 

பிரிஞ்சி இலை -1

ஏலக்காய் -1